Filipino movies

Mga ‘Dangal ng Wikang Filipino,’ pinarangalan

Michael Bueza

This is AI generated summarization, which may have errors. For context, always refer to the full article.

Mga ‘Dangal ng Wikang Filipino,’ pinarangalan
Isang propesor sa pilosopiya at isang mamamahayag ang pinarangalan ng Komisyon sa Wikang Filipino. Kinilala rin ang 45 na ulirang guro sa Filipino

MANILA, Pilipinas – Hinirang na mga “Dangal ng Wika” ang isang propesor at isang mamamahayag dahil sa kanilang ambag sa pagpapalaganap ng wikang Filipino sa kanilang larangan.

Kinilala rin ang 45 na mga “Ulirang Guro sa Filipino.”

Iginawad ng Komisyon sa Wikang Filipino (KWF) noong Martes, Agosto 19, ang tropeo para sa “Gawad Dangal ng Wikang Filipino” kina Padre Roque Ferriols, SJ, ng Ateneo de Manila University at Lucio “Ka Louie” Tabing ng DZMM Radyo Patrol 630. 

Si Padre Ferriols ay isang pioneer sa pagtuturo ng pilosopiya sa Ateneo gamit ang wikang Filipino. (BASAHIN: Jesuit Roque Ferriols turns 90, touches lives of youth)

Si Tabing naman ay nagsusulong ng agrikultura sa kanyang mga programa sa radyo gamit din ang wikang pambansa. Sumulat din si Tabing ng mga aklat tungkol sa panulaang bayan.

Nagpasalamat si Tabing sa parangal, at sinabing ito ay dagdag-pabuya sa kanya: “Ang tunay na parangal ay nandoon sa pagkakataong ibinigay sa iyo ng Panginoon at ng ating lipunan na ika’y maging bahagi ng paglilingkod at makapagpamalas ng bagay ng ikasisiya ng iyong kapwa.”

Si Padre Ferriols ay hindi nakarating sa araw ng paggawad dahil sa sama ng pakiramdam. Humalili sa kanya si Dr. Leovino Garcia, na nagpatunay sa 5 dekadang pagtuturo ni Padre Ferriols at sa pagmamahal niya sa wika.

Pinarangalan din ng KWF ang mga nanalo sa taunang Gawad Sanaysay na sina Mark Anthony Angeles at John Kevin Briones. Sumulat sila ng mga sanaysay at pananaliksik tungkol sa papel ng wikang Filipino sa negosasyong pangkapayapaan.

Tumanggap ng tropeo at gantimpalang salapi sina Angeles at Briones.

Mga ulirang guro

Samantala, 3 propesor sa kolehiyo, 30 guro sa sekondarya, at 12 guro sa elementarya sa buong Filipinas ang hinirang bilang mga “Ulirang Guro sa Filipino.”

Ayon sa KWF, sila ay “nagpamalas ng angking husay, talino, at dedikasyon sa pagpapalaganap at promosyon ng wikang Filipino at iba pang wika’t kultura sa kani-kanilang komunidad.”

Sila ay sina:

  • Raymund Pasion, Davao Oriental State College of Science and Technology
  • Erwin Sustento, University of San Agustin
  • Leopoldo Transona Jr, Central Bicol State University of Agriculture
  • Jenelyn Agayo, Irisan National High School (HS), Baguio City
  • Armando Agustin, Bukidnon National HS
  • Vilma Ambat, Baguio City National HS
  • Emerson Brosas, Tabaco National HS, Tabaco City, Albay
  • Mary Jane Butalid, Datui Siang National HS, Cotabato City
  • Ma. Felina Calledo, Don Carlos Gothong Memorial National HS, Cebu City
  • Victoria Cartujano, Balijuagan National HS, Roxas City, Capiz
  • Adrian Karl Cobardo, Barretto National HS, Olongapo City, Zambales
  • Noemi Conda, Daraga National HS, Albay
  • Roberto Gabia, Oriental Mindoro National HS
  • Novelyn Guloy, Cabatuan National HS, Isabela
  • Adelaida Ignacio, Kalinga National HS
  • Maria Consuelo Jamera, Caraga Regional Science HS, Surigao City
  • Cynthia Llacer, Bicol Regional Science HS, Ligao City, Albay
  • Richard Moral Jr, Koronadal National Comprehensive HS, South Cotabato
  • Nellie Mozol, Surigao del Norte National HS
  • Jovita Ocampo, Culiat HS, Quezon City
  • Glady Pagunsan, Kidapawan City National HS, Cotabato
  • Ermelita Peñalosa, Sun Valley National HS, Parañaque City
  • Renato Santillan, Dagupan City National HS, Pangasinan
  • Joselyn Sayson, Perpetual Help National HS, Iriga City, Camarines Sur
  • Mariefe Seraño, Benigno Aquino National HS, Makati City
  • Rhea Taboada, Impasugong National HS, Bukidnon
  • Imelda Tadeo, Capas HS, Tarlac
  • Sonny Taugan, San Jose Pili National HS, Pili, Camarines Sur
  • Benjamin Tamayo, Francisco G. Nepomuceno Memorial HS, Angeles City, Pampanga
  • Ma. Ligaya Velasco, Aroroy National HS, Masbate
  • Sharon Vito, Donsol Vocational HS, Sorsogon
  • Helen Wycoco, Honorato Perez Sr Memorial Science HS, Cabanatuan City, Nueva Ecija
  • Grace Yumul, Valenzuela National HS
  • Elsa Azarcon, Pres. Manuel Roxas Memorial School – South, Roxas City, Capiz
  • Melodie Bueno, South Tabaco Central Elementary School (ES), Tabaco City, Albay
  • Rowela Cadayona, Timoteo Paez ES, Pasay City
  • Emma Concepcion Caparas, Plaridel ES, Bulacan
  • Romeo Egot, Bagong Silang ES, Caloocan City
  • Inocencia Japzon, Jubgan ES, Surigao del Norte
  • Lanie Kinakin, Don Restituto Baol Central School, Gingoog City, Misamis Oriental
  • Maricar Pascua, Ladislao Diwa ES, Cavite
  • Joel Remigio, Apaya ES, Laoag City, Ilocos Norte
  • Sheila Salangbang, Gen. Maximo Hizon ES, Manila
  • Criselda Taduran, Santiago Integrated School, Iriga City, Camarines Sur
  • Mary Grace Tayam, Marinawa ES, Virac, Catanduanes

Ito ang unang pagkakataon na iginawad ng KWF ang parangal sa mga gurong nagtuturo ng Filipino.

Ang Araw ng Gawad ng KWF ay ginanap kasabay ng ika-136 taong anibersaryo ng kapanganakan ni Pangulong Manuel L. Quezon, ang “Ama ng Wikang Pambansa.” – Rappler.com

Add a comment

Sort by

There are no comments yet. Add your comment to start the conversation.

Summarize this article with AI

How does this make you feel?

Loading
Download the Rappler App!
Tie, Accessories, Accessory

author

Michael Bueza

Michael is a data curator under Rappler's Tech Team. He works on data about elections, governance, and the budget. He also follows the Philippine pro wrestling scene and the WWE. Michael is also part of the Laffler Talk podcast trio.