#NoPlaceForHate: Ang mga kausaban sa Rappler comments thread

Sugod karung adlawa, among hingusgan ang pagtangtang sa mga bastos nga mga komento nga nakalapas sa sukdanan sa maayong pamatasan.

Ang mga debate ug diskurso kanunay natong i-angkla sa prinsipyo sa pagkamaligdong, respeto, ug bili sa pagkatawo.

Wala mi pagtugot para sa mga komento nga pamalikas, bastos, nagtamay, nagdaot ug nagpakauwaw sa usa ka tawo. Ang mga matang sa pamatasan wala nag awhag sa intelihente ug maalam nga diskurso nga mao’y pundasyon sa madasigon nga demokrasya.

Ang freedom of speech kay dili lisensya aron mudaot sa reputasyon ug muguba sa kredibilidad. Dili sad kini nagpasabot sa kagawasan sa pagkairresponsable ug mangdaot. Ang freedom of speech nag ila sa katungod sa matag usa nga musulti ug mupadayag sa iyang nagkalaing  panlantaw nga dili man bastos, hilas ug law-ay.

Among giangkon ang among lugar nga usa ka luwas sa pagpanamastamas diri sa social media. Wala’y bisan kinsa nga angay mahadlok musuwat o musulti sa iyang gihunahuna.

4 ka tuig ang ni-agi sukad atong ga-sugod ang Rappler ug gi-tugutan namo ang pag-pangomentaryo og mga diskusyon sa website sa pag-tuo nga ang social media ang saktong lugar kung asa maka-storya ang mga tawo og mahimo nga gamiton nila ang teknolohiya para sa pag-lambo sa kalibutan. Mao gihapon ni ang among gituohan karon.

Diri sa Rappler, dapat bation mo nga luwas ka mupadayag sa imong kaugalingon nga wala’y kahadlok nga atakihon ug tabangan sa mga anonymous commenters nga nag-apas nga pahilumon ka ug paamohun. – Rappler.com