#Tweetanaga 2017: Pinakamahusay na 6

MANILA, Philippines – Dahil ang Agosto’y Buwan ng Wika, nangalap ang Rappler sa social media ng maiikling tula – mga #Tweetanaga!

Ang “tweetanaga” ay pinagsamang salitang “tweet” at “tanaga.” Katulad ng patimpalak ng Rappler noong 2013 at 2016, pinagkasya ng mga manunulat ang katutubong tula sa isang Twitter post o 140 characters.

Ang tanaga ay may:

• 4 na linya
• 7 pantig o syllables sa bawat linya
• tugma or rhyme pattern na noong unang panahon ay isahan (monorhyme), pero kalauan ay ginamitan na ng iba’t ibang kombinasyon: aa-bb (magkatugma ang unang dalawang linya, at ganun din ang huling dalawa), ab-ab, abba.

Narito ang 6 na pinakamahusay na tweetanagang natanggap namin, ayon sa aming mga patnugot. Mabuhay ang mga makata!

Umaga na Marawi
Ngunit inuulit lang
Nitong mangangalakal
Ang iyong hatinggabi.#Tweetanaga @rapplerdotcom

— nery (@makatalakbayan) August 15, 2017

Paggiling at pagkembot:
Buhay niya, d'yan umikot
Sa perang kakarampot
Hinubad, huling saplot.#Tweetanaga @rapplerdotcom

— HB (@neonlights_16) August 13, 2017

"Trapo"

Hinalal ka ng bayan
Ngunit anong ginawa
Nagpasasa sa yaman
Dugo't pawis ng dukha. #Tweetanaga @rapplerdotcom

— JT (@jeffpee7) August 12, 2017

Sa mundong sinungaling
Kayamana'y aanhin?
Lipunang mapanghusga
Kinang ang nakikita#Tweetanaga @rapplerdotcom

— Macy (@CastilloMisha) August 11, 2017

At natapos din ito
Ating magulong kwento
May "ikaw" at may "ako"
Ngunit wala nang "tayo"#Tweetanaga #AkoIkawTayo

— Aryaya dub (@KokoKruncher) August 11, 2017

"kahit batid ang sakit
pilit pa ring kumapit
hanggang ako'y nagising
'di ka magiging akin" https://t.co/LEiN3KZQVe

— sam (@sammalcala) August 17, 2017

– Rappler.com