Cebu City

Mga menteryo sa Dakbayan sa Sugbo magpabiling abli

John Sitchon
Mga menteryo sa Dakbayan sa Sugbo magpabiling abli

PREPARATION. Family members start to clean up the graves of their departed loved ones at the Carreta Cemetery in Cebu City on October 12, 2021, in preparation for the Kalag-kalag season or All Saints’ Day and All Souls’ Day on November 1 and 2.

Jacqueline Hernandez/Rappler

'We wish the national government should see the light and DILG, likewise. We seek for their respect, and we seek for their understanding,' matod ni acting Cebu City Mayor Michael Rama

Gipahimangno ni Acting Mayor Michael Rama sa usa ka press conference niadtong Miyerkules, Oktubre 20, nga magpabiling abli sa Dakbayan sa Sugbo ang mga menteryo bisan kung nagpagawas og usa ka kamandoan si Interior Secretary Eduardo Año nga sirhan kining mga lugara gikan karong Oktubre 29 hangtod Nobyembre 2.

Ang tumong sa DILG sa mando niining pagsira mao ang pagpugong sa naandang paghuot sa mga menteryo kung maghandom na sa mga adlaw sa mga kalag ug santos ang mga Pinoy.

“We wish the national government should see the light and DILG (Department of Interior and Local Government), likewise. We seek for their respect, and we seek for their understanding,” matod ni Rama.

Sumala pa ni Rama nga ila nang gipangandaman ang umaabot nga kalag-kalag uban sa nagkadaiyang departamento sa lokal nga kagamhanan ug labing maayo nga tahoron sa nasudnong kagamhanan ang lokal nga awtonomiya.

Sauna, niingon si Cebu City Police Office (CCPO) director Colonel Josefino Ligan nga 224 ka mga polis ang ilang ipabutang atol sa kalag-kalag. Nagdeploy usab sila og mga grupo isip abono gikan sa civil defense units sa Army, Cebu City Prevention, Restoration, Order, Beautification, and Enhancement (PROBE) team, Cebu City Transportation Office, ug Cebu City Disaster Risk Reduction Management Office (CCDRRMO).

Giklaro usab sa acting mayor nga sa Nobiyembre 1 ug 2, ang mga fully vaccinated lang ang tugutang makasulod sa mga menteryo.

“We have a setup and we will continue to review this setup and every day is an assessment,” matod ni Rama, kinsa nipahibawo sa posibleng pag-inspeksyon sa mga menteryo niadtong Biyernes uban sa mga opisyal sa kapolisan ug sa emergency operations center sa dakbayan.

Dili kini ang unang higayon nga usa ka lokal nga opisyal nga Sugbuanon ang misupak sa mga protokol sa nasudnon nga gobyerno. Niadtong Hunyo, ang gobernador sa Sugbo nga si Gwendolyn Garcia misupak sa IATF sa mga OFW quarantine protocols apan sa ulahi ni-defer sa nasudnong protocol human gipatawag ni Presidente Rodrigo Duterte.

Giklaro usab sa acting mayor nga sa Nobyembre 1 ug 2, ang mga hingpit na og bakuna o fully-vaccinated lang ang tugotang makasulod sa mga menteryo.

“We have a setup and we will continue to review this setup and every day is an assessment,” matod ni Rama, kinsa nagpahibalo sa posibleng pag-inspeksyon sa mga menteryo niadtong Biyernes uban sa mga opisyal sa kapolisan ug sa Emergency Operations Center (EOC) sa dakbayan.

Dili kini ang unang higayon nga usa ka lokal nga opisyal nga Sugbuanon ang misupak sa mga protokol sa nasudnon nga gobyerno. Niadtong Hunyo, ang gobernador sa Sugbo nga si Gwendolyn Garcia misupak sa IATF sa mga OFW quarantine protocols, apan sa ulahi, nituman siya sa nasudnong protocol human gipatawag ni Presidente Rodrigo Duterte.

Ubos sa Alert Level 2 

Niadtong Martes, Oktubre 19, gipaubos sa nasudnong kagamhanan ang Cebu City, lakip ang Lapu-Lapu City, Mandaue City, ug lalawigan sa Sugbo ubos sa alert level system gikan Oktubre 20 hangtod 31

Sa karon, gipaubos na sa Alert Level 2 ang Dakbayan sa Sugbo.

Gisulti ni Rama nga hisgutan sa mga opisyales sa LGU ang bag-ong klasipikasyon ug ang posibilidad sa uban pang direktiba.

“Ang pinakaimportante karon is – as we have said – vaccination is the way to liberation but sustainability and maintenance, prevention should continuously be implemented,” dugang ni Rama. 

Sa pagkakaron, nipagawas na si Lapu-Lapu City Mayor Junard “Ahong” Chan ug Mandaue City Mayor Jonas Cortes og kaugalingong executive order sa ilang dakbayan nga mutukod ug mag-implementar sa alert level system. –Rappler.com

Gihubad kini sa Cebuano ni John Sitchon gikan sa orihinal nga bersyon sa English, Despite IATF guidelines for Undas, Cebu City keeps cemeteries open.