SUMMARY
This is AI generated summarization, which may have errors. For context, always refer to the full article.
Kinatawan ng Distrito
Termino
- Tatlong taon
- Maaaring maihalal nang tatlong magkakasunod na termino
Mga Kalipikasyon
- Ipinanganak sa Filipinas
- 25 taóng gulang pataas sa araw ng eleksiyon
- Nakapagbabasá at nakapagsusulat
- Rehistradong botante sa distritong kakatawanin
- Residente sa nasabing distrito nang hindi bababa sa isang taon
Mga Kapangyarihan at Pananagutan
- Paglikha ng mga panukalang batas, pinagsanib na resolusyon, kapanabay na resolusyon, at mga simpleng resolusyon
- Pagrepaso sa badyet na ipinanukala ng sangay na ehekutibo at paglikha ng panukalang batas sa pangkalahatang apropyasyon
- Pagtalakay ng mga reklamo tungkol sa pagpapatalsik at pagsusumite ng resolusyon na nagtatakda ng mga Artikulo ng Pagpapatalsik
- Pagboto sa pagdedeklara na may umiiral na kalagayang nasa digmaan
- Pagpapahintulot sa pangulo na gamitin ang kapangyarihan sa pagtupad ng idineklarang pambansang patakaran sa panahon ng digmaan o iba pang pambansang kagipitan
- Pagboto sa pagpapatigil o pagpapalawig ng proklamasyon ukol sa batas militar ng pangulo
- Sa pamamagitan ng Komisyon sa Pagtatalaga, pagpapatibay o pagtanggi sa mga pangunahing pagtatalaga na ginawa ng pangulo sa mga ahensiyang pampamahalaan
- Pagboto sa pagkakaloob ng amnestiya ng pangulo
- Pagpapanukala ng mga enmiyenda at rebisyon sa Konstitusyon, pagboto upang mabuo ang isang konstitusyonal na asamblea o makapagpatawag ng isang eleksiyon para sa mga magiging miyembro ng kumbensiyong konstitusyonal
Sanggunian: Konstitusyon ng Republika ng Filipinas ng 1987; Artikulo sa Rappler: Beyond Legislation: Powers, roles of Philippine lawmakers
Kinatawan ng Party List
Termino
- Tatlong taon
- Maaaring inomina ng nahalal na partido o organisasyon nang hanggang tatlong magkakasunod na termino
Mga Kalipikasyon
ANG PARTIDO O ORGANISASYON
- Partidong sektoral – ang pangunahing itinataguyod ng grupo ay tumutukoy sa mga espesyal na interes at alalahanin ng mga sumusunod na sektor: paggawa, magsasaka, mangingisda, maralitang tagalungsod, mga katutubong kultural na komunidad, nakatatanda, may kapansanan, kababaihan, kabataan, mga beterano, mga manggagawa sa ibayong dagat, at mga propesyonal
- Organisasyong sektoral – ang mga kasapi ay may magkakatulad na kalagayan o katangiang pisikal, hanapbuhay, mga interes, o alalahanin
- Partidong pampolitika – ang mga miyembro ay may magkakatulad na ideolohiya, ideang pampolitika, at mga prinsipyo sa pangkalahatang pagpapatakbo ng gobyerno
- Hindi dapat isang relihiyosong sekta o denominasyon, organisasyon, o asosasyon na itinatag para sa mga layuning panrelihiyon
- Hindi dapat magtaguyod ng karahasan o mga hakbang na di-ayon sa batas sa pagtupad ng layunin
- Hindi dapat isang banyagang partido o organisasyon
- Hindi dapat makatanggap ng suporta mula sa isang banyagang gobyerno, banyagang partidong politikal, pundasyon, at organisasyon
- Hindi dapat lumabag o di-nakatupad sa mga batas, panuntunan, o mga regulasyon na may kinalaman sa eleksiyon
- Hindi dapat magbigay ng mga di-totoong pahayag sa petisyon nito
- Hindi dapat nahinto ang pag-iral nang hindi bababa sa isang taon o di-nakalahok sa dalawang nakaraang magkasunod na eleksiyon
- Hindi nagkamit ng botong mas mababa sa dalawang porsiyento (2%) ng kabuoang bilang ng boto sa ilalim ng sistemang party list sa nakaraang dalawang magkasunod na eleksiyon
ANG NOMINADO
- Ipinanganak sa Filipinas
- Rehistradong botante
- Residente ng Filipinas nang hindi bababa sa isang taon
- Nakapagbabasa at nakapagsusulat
- Tunay na kasapi nang hindi bababa sa siyamnapung araw ng partidong irerepresenta
- Hindi bababa sa dalawampu’t limang taóng gulang sa araw ng eleksiyon; kung ang nominado ay para sa sektor ng kabataan, hindi dapat hihigit sa tatlumpung taon ang edad
- Ininomina ng partido
Mga Kapangyarihan at Pananagutan
- Katulad ng inihanay na katungkulan ng mga kinatawan ng distrito, ngunit inaasahang kakatawanin ang mga interes ng kaniyang sektor o partido sa paglikha ng mga panukalang batas at resolusyon
Sanggunian: Konstitusyon ng Republika ng Filipinas ng 1987; Republic Act 7941:Party-List System Act
– Rappler.com
Isinalin ni Dr. Michael M. Coroza ng Unyon ng mga Manunulat sa Pilipinas (UMPIL) mula sa orihinal na Ingles ni Pauline Macaraeg ng Rappler.com.
Add a comment
How does this make you feel?
There are no comments yet. Add your comment to start the conversation.