Mga Kapangyarihan at Katungkulan: Gobernador, Bise Gobernador, Miyembro ng Sangguniang Panlalawigan

Gobernador

Termino

• Tatlong taon simula sa tanghali ng 30 Hunyo pagkatapos ng eleksiyon
• Maaaring ihalal nang hanggang tatlong magkakasunod na termino

Mga Kalipikasyon

• Mamamayan ng Filipinas
• Hindi bababa sa dalawampu’t isang taon sa araw ng eleksiyon
• Rehistradong botante ng probinsiyang kakandidatuhan
• Residente ng probinsiyang kakandidatuhan sa loob ng hindi bababa sa isang taon sa araw ng eleksiyon
• Nakapagbabasa at nakapagsusulat sa Filipino o aliman sa mga lokal na wika

Mga Kapangyarihan at Pananagutan

• Pag-asikaso sa implementasyon ng mga programa at proyektong ginagampanan ng probinsiyal na gobyerno

• Pangasiwaan ang pagpapatupad ng mga batas at ordenansa na nakaaapekto sa probinsiya

• Pagpapasimula at pagpapatindi ng mga hakbang sa paglaki ng kita ng probinsiya

• Pagpapasimula at pagpapatindi ng mga hakbang sa paggamit ng mga pinagkukunang-yaman sa implementasyon ng mga programa at proyekto para sa kapakanan ng mga mamamayan ng probinsiya

• Pagtiyak na maipagkakaloob ang mga batayang paglilingkod at ang paglalagay ng sapat na pasilidad para sa mga mamamayan

• Pangasiwaan ang implementasyon ng planong pangkaunlaran ng probinsiya

Sanggunian: Kodigo ng Lokal na Pamahalaan ng 1991; Task and Responsibilities Checklist na inilabas ng Departmento ng Interyor at Lokal na Pamahalaan. 

Bise Gobernador

Termino

• Tatlong taon simula sa tanghali ng 30 Hunyo pagkatapos ng eleksiyon
• Maaaring ihalal nang hanggang tatlong magkakasunod na termino

Mga Kalipikasyon

• Mamamayan ng Filipinas
• Hindi bababa sa dalawampu’t isang taon sa araw ng eleksiyon
• Rehistradong botante ng probinsiyang kakandidatuhan
• Residente ng probinsiyang kakandidatuhan sa loob ng hindi bababa sa isang taon sa araw ng eleksiyon
• Nakapagbabasa at nakapagsusulat sa Filipino o aliman sa mga lokal na wika

Mga Kapangyarihan at Pananagutan

• Paglilingkod bilang opisyal na tagapangasiwa ng sangguniang panlalawigan
• Pagtatalaga ng lahat ng opisyal at kawani ng sangguniang panlalawigan bukod doon sa ang mga pagkakatalaga ay umaalinsunod sa itinakda ng Kodigo ng Lokal na Pamahalaan ng 1991
• Paghalili sa gobernador sa mga nalalabing taon ng termino sakaling mabakante ang posisyon kayâ gagamitin ang lahat ng kapangyarihan at tungkulin ng punòng tagapagpaganap ng probinsiya

Sanggunian: Kodigo ng Lokal na Pamahalaan ng 1991; Task and Responsibilities Checklist na inilabas ng Departmento ng Interyor at Lokal na Pamahalaan. 

Miyembro ng Sangguniang Panlalawigan

Termino

• Tatlong taon simula sa tanghali ng 30 Hunyo pagkatapos ng eleksiyon
• Maaaring ihalal nang hanggang tatlong magkakasunod na termino

Mga Kalipikasyon

• Mamamayan ng Filipinas
• Hindi bababa sa dalawampu’t isang taon sa araw ng eleksiyon
• Rehistradong botante ng probinsiyang kakandidatuhan
• Residente ng probinsiyang kakandidatuhan sa loob ng hindi bababa sa isang taon sa araw ng eleksiyon
• Nakapagbabasa at nakapagsusulat sa Filipino o aliman sa mga lokal na wika

Ang mga Bumubuo sa Sangguniang Panlalawigan

• Bise Gobernador na siyang nagsisilbing opisyal na tagapangulo nito
• Mga regular na kasaping nahalal
• Presidente ng probinsiyal na sangay ng Liga ng mga Barangay sa Filipinas
• Presidente ng probinsiyal na sangay ng Pederasyon ng Sangguniang Kabataan
• Presidente ng probinsiyal na sangay ng pederasyon ng mga konseho ng munisipyo at kasamang lungsod
• Tatlong sektoral na kinatawan: 1 mula sa kababaihan, 1 mula sa mga manggagawang agrikultural o industriyal, at 1 mula sa iba pang sektor gaya ng maralitang tagalungsod, mga katutubong pamayanan, o mga may kapansanan

Mga Kapangyarihan at Pananagutan

• Pagpapatupad ng mga ordenansa at resolusyon sa pag-aangkop ng mga pondo para sa mga programa at proyekto ng probinsiya

• Pagpapatupad ng taunan at mga pandagdag na apropyasyon ng probinsiyal na gobyerno

• Pag-aproba at pagpapasá ng mga ordenansa at resolusyong kailangan para sa pagpapatakbo ng probinsiyal na gobyerno

• Pagkakaloob ng mga prangkisa at pag-aproba ng mga permiso at lisensiya

Sanggunian: Kodigo ng Lokal na Pamahalaan ng 1991; Task and Responsibilities Checklist na inilabas ng Departmento ng Interyor at Lokal na Pamahalaan. 

– Rappler.com

Isinalin ni Michael M. Coroza, PhD, ng Unyon ng mga Manunulat sa Pilipinas (UMPIL) mula sa orihinal na Ingles ni Jodesz Gavilan ng Rappler.com