Mga Gahum kag Katungdanan: Gobernador, Bise Gobernador, Katapu sang Sangguniang Panlalawigan sa Filipinas

Gobernador

Termino sang Pagpangalagad

• 3 ka tuig mag-umpisa sa udto-adlaw sang Hunyo 30 pagkatapos sang eleksiyon
• Mahimu nga mabotohan liwan sa indi magsobra sa tatlo ka sunod-sunod nga termino

Kuwalipikasyon

• Filipino citizen
• Indi magnubo sa 21 ka tuig ang edad sa adlaw sang eleksiyon
• Rehistrado nga botante sa probinsiya kon sa diin siya nagapadalagan
• Residente sang probinsiya kon sa diin siya nagapadalagan sa sulod sang indi magnubo sa 1 ka tuig antes and adlaw sang eleksiyon
• Kahibalo magbasa kag magsulat sa Filipino ukon sa iban pa nga mga lokal nga pulong

Mga Gahum kag Katungdanan

• Bantayan ang pagpatuman sa mga programa kag proyekto sang gobyerno probinsiyal
• Dumalahan ang pagpatuman sang mga layi kag ordinansa nga makaapekto sa probinsiya
• Pamunuan ang pagpasanyog sang kita sa buwis sang probinsiya
• Pamunuan ang pagpasanyog sa paggamit sang mga manggad sa pagpaimplementar sang mga programa kag proyekto para sa mga pumuluyo sa probinsiya
• Masiguro ang paghatag sang mga serbisyo kag paghatag sing mga pasilidad para sa mga pumuluyo sang probinsiya
• Dumalahan ang implementasyon sang plano sang pagpaugwad sang probinsiya

Ginkuhaan: Local Government Codeof 1991; Task and Responsibilities Checklist issued by the Department of the Interior and Local Government (DILG)

Bise Gobernador

Termino sang Pagpangalagad

• 3 ka tuig umpisa sa udto-adlaw sang Hunyo 30 pagkatapos sang adlaw sang eleksiyon
• Mahimu mabotohan liwan sa indi magsobra sa tatlo ka sunod-sunod nga termino

Kuwalipikasyon

• Filipino citizen
• Indi magnubo sa 21 ka tuig ang edad sa adlaw sang eleksiyon
• Rehistrado nga botante sa probinsiya kon sa diin siya nagapadalagan
• Residente sang probinsiya kon sa diin siya nagapadalagan sa sulod sang indi magnubo sa 1 ka tuig antes and adlaw sang eleksiyon
• Kahibalo magbasa kag magsulat sa Filipino ukon iban pa nga mga lokal nga pulong

Mga Gahum kag Katungdanan

• Magasirbe nga tagapangulo nga opisyal sang sangguniang panlalawigan
• Mag-appoint sang mga opisyal kag empleayado sang sangguniang panlalawigan magluwas sa nakabutang sa Local Government Code of 1991
• Magabulos bilang gobernador para sa mga nabilin nga termino kon may permanente nga pagkabakante sa pagkagobernador, kag mangin iya ang tanan nga gahum kag buluhaton sang pagpanguluhan sa probinsiya

Ginkuhaan: Local Government Code of 1991; Tasks and Responsibilities Checklist issued by the Department of Interior and Local Government

Katapu sang Sangguniang Panlalawigan

Termino sang Pagpangalagad

• 3 ka tuig mag-umpisa sa udto-adlaw sang Hunyo 30 pagkatapos sang eleksiyon
• Mahimu nga mabotohan liwan sa indi magsobra sa tatlo ka sunod-sunod nga termino

Kuwalipikasyon

• Filipino citizen
• Indi magnubo sa 21 ka tuig ang edad sa adlaw sang eleksiyon
• Rehistrado nga botante sa probinsiya kon sa diin siya nagapadalagan
• Residente sang probinsiya kon sa diin siya nagapadalagan sa sulod sang indi magnubo sa 1 ka tuig antes and adlaw sang eleksiyon
• Kahibalo magbasa kag magsulat sa Filipino ukon sa iban pa nga mga lokal nga pulong

Komposisyon sang Sangguniang Panlalawigan

• Bise Gobernador, bilang tagapangulo nga opisyal
• Ginboto nga mga regular nga katapu
• Presidente sang provincial chapter sang Liga ng mga Barangay sa Filipinas
• Presidente sang provincial chapter sang pederasyon sang mga konseho ng mga munisipyo kag component city
• 3 representante nga sectoral: 1 halin sa kababayenhan, 1 halin sa pang-agrikultura ukon industiyal nga mamumugon, kag 1 halin sa mga masunod: imol sa siyudad, tumandok nga mga tawo, mga tawo nga may pisikal nga diperensiya

Mga Gahum kag Katungdanan

• Magahimu sing mga ordinansa kag resolusyon sa pagpondo para sa mga programa kag proyekto sang probinsiya
• Magahimu sang tuigan kag mga dugang nga badyet sang gobyernong probinsiyal
• Mag-aprobar kag magpasar sing mga ordinansa kag resolusyon nga kinahanglan agod makagiho ang gobyernong probinsiyal
• Maghatag sang mga franchise kag mag-aprobar san mga permit kag lisensiya

Ginkuhaan: Local Government Code of 1991; Tasks and Responsibilities Checklist issued by the Department of Interior and Local Government

– Rappler.com

Ginbadbad ni John Iremil Teodoro, PhD, sang Unyon ng mga Manunulat sa Pilipinas (UMPIL) gikan sa orihinal nga Ingles ni Jodesz Gavilan sang Rappler.com.