Bileg ken Pagrebbengan: Mayor ti Munisipio, Bise Mayor, Konsehal

Mayor ti Munisipio

Panagtakem

• 3 a tawen manipud iti tengnga ti aldaw ti Hunio 30 kalpasan ti eleksion
• Mabalin a mabotosan agingga iti tallo nga agsasaruno a termino  

Kualipikasion

• Makipagili a Filipino
• Saan a naub-ubing ngem 21 anios iti aldaw ti eleksion
• Rehistrado a botante iti munisipio a pagpabotosanna
• Residente iti munisipio a pagpabotosanna iti saan a nabibiit ngem 1 tawen sakbay ti eleksion
• Makabasa ken makasurat iti Filipino wenno iti uray ania a sabsabali a lokal a lengguahe

Bileg ken Akem

• Mangsuperbisar kadagiti amin a programa, proyekto, serbisio ken aktibidad ti gobierno ti munisipio 
• Mangipakat kadagiti amin a linteg ken ordenansa mainaig iti panakaituray ti ili
• Mangirusat ken mangikagumaan iti pannakaur-or dagiti kasapulan ken mateggedan
• Ipanamnamana ti pannakaidanon dagiti kangrunaan a serbisio ken iti pannakaipaay ti umdas a pasilidad 

Naadaw iti Local Government Code of 1991 

Bise Mayor ti Munisipio

Panagtakem

• 3 a tawen manipud iti tengnga ti aldaw ti Hunio 30 kalpasan ti eleksion
• Mabalin a mabotosan agingga iti tallo nga agsasaruno a termino  

Kualipikasion

• Makipagili a Filipino
• Saan a naub-ubing ngem 21 anios iti aldaw ti eleksion
• Rehistrado a botante iti munisipio a pagpabotosanna
• Residente iti munisipio a pagpabotosanna iti saan a nabibiit ngem 1 a tawen sakbay ti eleksion
• Makabasa ken makasurat iti Filipino wenno iti uray ania a sabsabali a lokal a lengguahe

Bileg ken Akem 

• Mangiwardas iti konseho ti munisipio (municipal council) ken mangpirma kadagiti amin a kasuratan para iti pannakagastos ti nailatang a gastuen iti pannakapataray ti munisipio 
• Mangdutok kadagiti opisial ken empleado ti konseho ti munisipio, malaksid kadagiti sagudayen ti Local Government Code
• Agtakem a mayor ti munisipio no adda permanente a pannakabakante
• Mangaramat kadagiti bileg ken mangisayangkat kadagiti pagrebbengan ken akem ti mayor ti munisipio kadagiti kasasaad ti temporario a pannakabakante  

Naadaw iti Local Government Code of 1991 

Konsehal ti Munisipio

Panagtakem

• 3 a tawen manipud iti tengnga ti aldaw ti Hunio 30 kalpasan ti eleksion
• Mabalin a mabotosan agingga iti tallo nga agsasaruno a termino  

Kualipikasion

• Makipagili a Filipino
• Saan a naub-ubing ngem 18 anios iti aldaw ti eleksion
• Rehistrado a botante iti munisipio a pagpabotosanna
• Residente iti munisipio a pagpabotosanna iti saan a nabibiit ngem 1 tawen sakbay ti eleksion
• Makabasa ken makasurat iti Filipino wenno iti uray ania a sabsabali a lokal a lengguahe

Pakabuklan ti Konseho ti Munisipio

• Ti Bise Mayor ti munisipio nga agserbi a kas opisian a mangiwardas (presiding officer)
• Dagiti nabotosan a regular a kameng ti konseho
• Ti Presidente ti Liga ng mga Barangay ti munisipio
• Ti Presidente ti Sangguniang Kabataan Federation ti munisipio
• 3 a pannakabagi a sektoral: 1 manipud kadagiti babbai, 1 manipud kadagiti mangmangged iti agrikultura wenno industria, ken 1 manipud iti ania man kadagiti sumaganad: nakurapay iti munisipio, indiheno nga umili, addaan dis-abilidad 

Bileg ken Akem 

• Mangaprobar kadagiti ordenansa ken mangipasa kadagiti resolusion para iti epektibo a pannakaituray ti ili
• Mangur-or kadagiti kasapulan ken mateggedan para kadagiti plano iti panagdur-as, panggep dagiti programa, ken prioridad ti munisipio 
• Mangipalubos kadagiti prangkisa, mangipasa kadagiti ordenansa a mangipalubos iti pannakaited dagiti permiso wenno lisensia, mangipasa kadagiti ordenansa a mangipataw kadagiti buis, bayad, ken multa
• Mangkontrol kadagiti aktibidad mainaig iti pannakausar dagiti daga, pasdek, ken estruktura iti ikub ti munisipio
• Mangaprobar kadagiti ordenansa a mangipasigurado iti nasayud ken epektibo a pannakaidanon dagiti kangrunaan a serbisio ken pasilidad  

Naadaw iti Local Government Code of 1991 

– Rappler.com

Sinukisok ni Loreben Tuquero ti Rappler.com | Impatarus iti Ilokano ti UMPIL (Unyon ng mga Manunulat sa Pilipinas)