HINDI TOTOO: Retrato ni Angel Locsin na nag-eendoso ng pampapayat

Buod

• Ang sabi-sabi: Makikita sa isang retrato ang produktong pampabawas ng timbang na ineendoso ni Angel Locsin.
• Marka: HINDI TOTOO
• Ang katotohanan: Nagbigay ng pahayag ang aktres na peke ang retratong kumakalat sa internet. Sa orihinal na retrato, gatas ang ineendoso ni Locsin.
• Bakit kailangang i-fact-check: Nang maisulat ang fact check na ito, 3,800 na ang nagbigay ng reaksiyon, 563 ang nag-iwan ng komento, at 141ang nagbahagi ng naturang kasinungalingan.

Mga detalye

Noong Lunes, Hunyo 27, nag-viral sa Facebook ang paskil na nagpapakitang ineendoso umano ang aktres na si Angel Locsin ang produktong nagpapayat sa kanya sa loob lamang ng isang buwan. 

Sa retrato, makikita si Locsin na katabi ang produkto na may etiketa na, “Zhonglanke.” Mababasa rin sa lalagyan nito ang mga katagang “Yogurt nut baking cereal.”

Kasinungalingan ito. 

Sa opisyal na pahina sa Facebook ni Locsin, pinabulaanan ng kampo ng aktres ang kumakalat na paskil. “Fake News! Angel Locsin does not endorse this cereal product, photo on the right side,” (Pekeng balita! Hindi ineendoso ni Angel Locsin ang retrato ng cereal product sa kanan,” anila. 

Samantala, makikita naman ang orihinal na retrato sa opisyal na Instagram ng aktres, kung saan isang brand ng gatas ang ineendoso nito. – Rochel Ellen Bernido/Rappler.com

Kung may nakikita kang kahina-hinalang Facebook pages, groups, accounts, websites, artikulo, o mga larawan sa iyong network, i-send ang mga ito sa factcheck@rappler.com. Maaari ring magsumite ng mga sabi-sabi sa #FactsFirstPH tipline. Ipadala lang ang mga ito bilang message sa Facebook ng Rappler, bilang direct message sa Twitter ng Newsbreak, o bilang message sa aming Viber fact check chatbot. Sa bawat fact check, labanan natin ang pagkalat ng mali o mapanlinlang na impormasyon.