Marcos Fact Checks

DIRI TINUOD: Waray igin-notisya an pagkadto ni Bongbong Marcos ha Tacloban han 2013

Rappler.com

This is AI generated summarization, which may have errors. For context, always refer to the full article.

DIRI TINUOD: Waray igin-notisya an pagkadto ni Bongbong Marcos ha Tacloban han 2013
May mga notisya han pagkadto ni Bongbong Marcos ha Tacloban kahuman han Super Typhoon Yolanda.
An kabug-usan
  • An mga uru-istorya: Waray kuno ipasamwak han media an pagkadto ni anay senador Ferdinand “Bongbong” Marcos ha Tacloban kahuman han Super Typhoon Yolanda dida han 2013.
  • Marka: DIRI TINUOD
  • An kamatuuran: May mga notisya nga nag dabi han pagkadto ni Bongbong Marcos ha Tacloban hadto nga mga panahon.
  • Kay ano nga kailan ini i-fact check: Nakita ini nga uru-istorya ha usa nga bidyo ha TikTok nga ginhimo han user nga hi “zandergulas.” Ginpakita gihapon ini nga bidyo ha usa nga post nga ginhimo dida han ika-11 han Oktubre ha Facebook page nga “BBM Supporters 2022.”
Mga detalye

May usa nga bidyo an TikTok user nga hi “zanderguals” nga nagsisiring nga waray kuno mag-gawas hin notisya an media han pagkadto ni anay senador Ferdinand “Bongbong” Marcos Jr. ha Tacloban kahuman han Super Typhoon Yolanda, nga kilala liwat ha tawag nga Haiyan, nga umagi ha Filipinas dida han Nobyembre 2013. (BASAHA: TIMELINE: Super Typhoon Yolanda (Haiyan))

Hamtang ginpapakita an iba nga mga panhitabo han pagkadi ni Marcos hadto nga mga panahon, mababasa ini hito nga bidyo: “bagyong yolanda hindi manlang naibalita ito.”

Han pag surat han fact check, nakakuha na an bidyo hin harani sobra 45,800 nga reaksiyon, 1,667 nga komento, 2,792 nga shares, ngan 355,700 nga views.

Igin-pakita gihapon hini nga bidyo ha usa nga post nga ginhimo dida han ika-11 han Oktubre ha Facebook page nga “BBM Supporters 2022.” Nasiring gihapon ini nga post: “Ito ang mga pangyayari at hindi pinalabas sa SOSYAL MEDIA noon BAGYONG YOLANDA. ANO BA GALIT NILA KAY BBM? DAHIL MARCOS?”

Nakakuha na gihap ini nga post hin harani sobra 60,000 nga reaksiyon, 4,000 nga komento, ngan 22,000 nga shares ngan nakatirok hin harani sobra 515,000 views ini nga bidyo.

Diri tinuod ini nga pulong nga ginpakita hini nga bidyo ha TikTok.

May artikulo ngan bidyo an Rappler dida han Nobyembre 17, 2013 hiunong ha pagkadto ni Bongbong Marcos ha Tacloban kahuman han bagyo nga Yolanda. An mayor han Tacloban hadto nga mga panahon ini hi Alfred Romualdez, nga mayor gihap han Tacloban yana ngan patod ni Bongbong. (BASAHA: Bongbong Marcos visits Tacloban; KIT-I: Bongbong Marcos visits Tacloban)

May usa pa nga artikulo ha ABS-CBN News nga gin-gawas dida han Nobyembre 24, 2013 nga may titulo nga  “Tacloban and Visayas will be ‘Ground Zero’ for the 2016 race.” Iginsurat ini han manunurat nga hi Raissa Robles.

Gindabihan dinhi nga kumadtoha Tacloban hi Bongbong Marcos kahuman han bagyo nga Yolanda. Gindabihan gihapon nga kumadto hi Jejomar Binay, nga anay bise president, ngan hi Mar Roxas, nga anay secretary han Department of Interior and Local Government.

Diri gihapon sakto an ginsiring hini nga Facebook post nga diri kuno makikita ha social media an pagbisita ni Bongbong Marcos ha Tacloban hadto nga mga panahon. Gamit an CrowdTangle, makikita nga damo an social media posts dida han Nobyembre 2013 nga nagpapakita han pagkadto ni Bongbong ha Tacloban. An pira pa hini nagpapakita han sulod o link han artikulo, bidyo, o Facebook post han Rappler tungod hini nga mga panhitabo.

Gin-fact-check na han Rappler an pira nga mga pulong nga nagsisiring nga waray kuno magpagawas hin notisya an media hini nga mga isyu partikular na an hiunong kan Bongbong Marcos, sugad an diri sakto nga nitosya nga waray kuno igin-notisya an iya pagpakita ha seremonya ha pagtapo labi na ang mga Special Action Force (SAF) nga pulis nga namatay ha Mamasapano. – Lance Lim and Brynch Bonachita/Rappler.com

Gin-translate ni Lance Lim ngan Brynch Bonchita an orihinal nga Filipino version ni Percival Bueser, HINDI TOTOO: Hindi ibinalita ang pagpunta ni Bongbong Marcos sa Tacloban noong 2013.

Lance Lim and Brynch Bonachita are Visayas-based journalists and awardees of the Aries Rufo Journalism Fellowship.

Add a comment

Sort by

There are no comments yet. Add your comment to start the conversation.

Summarize this article with AI

How does this make you feel?

Loading
Download the Rappler App!