[WATCH] ’Yung Totoo? 5 fact check tungkol sa Super Typhoon Rolly at Typhoon Ulysses

Maraming kumalat sa social media na litrato ng mga nasalanta noong dumaan ang Super Typhoon Rolly at Typhoon Ulysses sa bansa. Marami rin ang nag-share ng listahan ng emergency hotlines na nakita nila. Pero bago ba o luma’t nakakagulo lang ang mga balitang ikinalat?

Suriin at i-fact-check natin ang 5 sabi-sabi na kumalat noong dumaan ang mga bagyo noong Nobyembre 1 at Nobyembre 11.

• FALSE: Photos of Super Typhoon Rolly’s aftermath

Una, mga litrato raw ito ng mga nasalanta ng Super Typhoon Rolly noong Nobyembre 1. ’Yung totoo? Laging nahahalo-halo ang mga litrato ng nakaraan at kasalukuyang bagyo.

• FALSE: Video shows people being rescued due to Typhoon Ulysses

Pangalawa, bidyo raw ito ng mga taong iniligtas noong Typhoon Ulysses. ’Yung totoo? Hindi ’yan sa Pilipinas!

• FALSE: List of Tuguegarao volunteers offring shelter for Cagayan evacuees

Ikatlo, listahan daw ito ng mga nagboboluntaryong maghanap ng tirahan para sa mga nasalanta ng bagyo. ’Yung totoo? Ipinaliwanag ng organisasyon ng volunteers na nangongolekta lamang sila ng donasyon at hindi naghahanap ng tirahan.

• FALSE: 3 more tropical cyclones entering, near PAR

Ikaapat, totoo ba itong imahe ng 4 na bagyong papasok sa Philippine Area of Responsibility? ’Yung totoo? Inedit lang ’yan, besh!

• FALSE: Emergency hotline numbers for rescue

At panglima, ito raw ay listahan ng emergency hotlines na puwedeng tawagan para humingi ng saklolo. ’Yung totoo? Hindi na updated ang ilan sa mga hotline sa listahan na ’yan.

Hayan, besh, ’yan ay 5 sabi-sabi na kumalat noong inabutan tayo ng magkasunod na bagyo. Alalahanin mo rin na madalas kumalat ang mga ganitong sabi-sabi sa panahon ng krisis at posibleng magdulot ng panganib ang ganitong tsismis. Kaya sa susunod, magsaliksik muna bago mag-share!

At kung may nakita kang kaduda-dudang impormasyon tungkol sa bagyo, magpadala ng link at screenshot nito sa factcheck@rappler.com. – Rappler.com