PODCAST: Apay nga kasapulan nga agpetisyon iti Rappler diyay Supreme Court?

Listen to this podcast in Filipino and Bisaya.

MANILA, Philippines – Idi Huwebes, Abril 11, nagpetisyon sadiay Korte Suprema  ti Rappler, dagiti reporters ken regional correspondents na tapno idawat da nga pasardengen iti panagiparit ti Malacañang ken ni Presidente Rodrigo Duterte iti panagserrek ti Rappler kadagiti pasken nga pappapanan na. 

Daytoy a petisyon ket naaramid kalpasan iti 14 a bulan manipud idi imparit da nga sumrek ti uneg iti Malacañang Complex ti maysa kadagiti reporter ti Rappler, ni Pia Ranada, idi Pebrero 2018. Gapu iti coverage ban, imparit ti Presidential Security Group nga kumuyog dagiti reporter ti Rappler kadagiti padaya nga pappapanan ni Duterte ditoy Metro Manila ken kadagiti sabali pay nga pagilian. Adda iti 7 a pasamak nga pinapanaw da ti sabali pay nga reporter ti Rappler manipud kadagitoy nga padaya.

Kinuna ti Rappler nga daytoy coverage ban ket panagperdi kadagiti garantia ti Konstitusyon nga kasapulan iti  free press, free speech, equal protection ken due process. Iti nakuna a coverage ban ket agtultuloy nga maipatpatandudo; sabali pay dagiti naduma-duma a legal cases nga insango da laban iti Rappler.

Iti daytoy a podcast, kadwa diyay maysa nga petitioner, ni Raymon Dullana nga correspondent iti Cagayan, ken Rappler managing editor Glenda M. Gloria nga agtugaw tapno mapagtutungtungan dagiti banag a nangiduron kadakuwada  nga agpetisyon, no kasano nga naapektaran iti coverage da, ken no anya iti sitwasyon iti press freedom ditoy Pilipinas. – Rappler.com