Provide your email for confirmation

Tell us a bit about yourself

country *
province *

why we ask about location

Please provide your email address

Login

To share your thoughts

Don't have an account?

Login with email

Check your inbox

We just sent a link to your inbox. Click the link to continue signing in. Can’t find it? Check your spam & junk mail.

Didn't get a link?

Sign up

Ready to get started

Already have an account?

Sign up with email

By signing up you agree to Rappler’s Terms and Conditions and Privacy

Check your inbox

We just sent a link to your inbox. Click the link to continue registering. Can’t find it? Check your spam & junk mail.

Didn't get a link?

Join Rappler+

How often would you like to pay?

Monthly Subscription

Your payment was interrupted

Exiting the registration flow at this point will mean you will loose your progress

Your payment didn’t go through

Exiting the registration flow at this point will mean you will loose your progress

[OPINION] Mitraydor na gyud ka’g maayo, Mayor!

Naunsa na man uroy ka mayor? Nahimo na man ka’ng lunghay nga ulipon sa mga Tsino!

Makaluluoy kaayo ‘tong mga mananagat nga gibanggaan sa usa ka dako’ng sakayan sa mga Tsino samtang sila nangatulog. Dayon, imbes nga tabangan unta aron di mangalumos, gibayaan hinuon sa mga wa’y batasan.

Maayo na lang nga duol sa ilaha ang mga pipila ka mananagat gikan sa Vietnam nga nidali dayon og pagtabang nila.

Mayor, wa sila magkasinabot pero nahuwasan ang atong mga kaubanan niadtong pag-ingon sa mitabang sa ilaha, “Philippines? Vietnam? Friends.”

Amigo ang pag-pailaila sa mga Vietnamese sa ilaha. Samtang, ang mga Tsino mikaripas og palayo.

Mag-usa ka semana na mayor nga wa mi nakadungog sa imoha bahin sa nahitabo. “Ngano kaha?” mao’y among pangutana. Ingon si Tikboy nga amigo nako, “Ah sayon ra na ‘pre. Daghan ma’ng bagong salida sa Netflix!

Kahinumdum ka sa gipagawas nga litrato ni mayor sa iyang kuwarto sa Dabaw? Katong gahigda lang siya nga gatan-aw og salida? Basi’g mao sab na’ng gibuhat ni Mayor samtang nangalunod ang mga kaubanan nato’ng mananagat!”

Wa ko motuo atong una kay sige gud ka og panghambog nga imong lampasuhon kato’ng mga muinsulto sa atong nasod. “My country,” matod pa nimo. Pero, mura’g aduna’y punto gyod si Tikboy.

Nganong mitalaw man ka mayor?

Ug sa imong pagkatalawan, ang imong gipaatubang sa amo-a mao si Teddy Locsin, usa ka datuon nga naghinambog sa iyang pagkabastos para lang makapakita siya sa ato-a nga usa sab siya ka chico de la calle. Wa siya kuyapi! Ibutang na nimo sa tunga sa gabii si Teddy Boy sa tunga-tunga sa Tondo o didto sa amo sa Lawis ug tanawon nato kung di ba na siya makaihi sa kahadlok!

Hambugiro lang na kay sa iyahang balay sa Makati, daghang sekyu ug di lang basta-basta ang mga Pinoy makasulod.

Pero, kung ibilin na nimo siya sa Agdao o di kaha sa Colon, sa gabii, ug ipanghambog niya iyang kaisog nga ipakita niya sa Twitter, di na magdugay. Cebu Doctors abot niana.

Ang usa pa nga imo’ng gipa-atubang sa amoa si Badong Panelo.

Mayor, imbis nga depensaan niya ang mga mangigisda, gisaway na man hinuon niya sila nga mga bakakon. Ania ang iyang giingon, ug Binisayon ni nako para mas masabtan nimo, “Ayaw intawon og tuo dayon sa ila’ng mga istorya, kay mura’g ila’ng gusto lang tamayon ang mga Insik.

Mahimo sab nga gayawyaw na sila og ingon ana kay ga-hallucinate.” Unya, mideretso siya sa pag-ingon sa mga mangigisda: “Kamo, bantay-bantay sab mo sa inyo’ng mga isulti, kay mahimo mo nga kasuhan.” Kinsa’y mukaso? Si Panelo? Ang mga Insik.

Nganong anaon man intawon ninyo nang mga pobreng mananagat Mayor? Abi nako mulaban ka sa mga Pinoy? Imbis kana ang imong gibuhat, imo hinuong gipasakitan sila sa pinaagi sa mga insulto ni Locsin ug ni Panelo.

Ang dobleng sakit niani, mayor, mao nga sa akong tanaw, ang kadaghanan nianing mga mangigisda siguradong mibotar sa imoha ug dako ila’ng pagsalig nga imong bagohon kining atong nasud. Lunghay nga DDS.

Karon, wa lang nimo giyurak-yurakan ang ilahang panginabuhian kay gihatag na nimo ang atong mga isla sa mga Insik, imo pa sila’ng pakasohan ni Panelo.

Pilipino pa ba ka, Mayor?

Ug ayaw na mi’g ilada anang imong pabula nga ganahan ka mawala kay di na nimo kaya ang mga problema sa atong nasod.

Ikaw ngayti ang midagan pagkapresidente, nanghambog pa ka nga sa sulod sa unom ka bulan, mawagtang na kanang mga droga.

Pirti pa nimong panghambog nga kung hatagan ka og tinuod nga gahom, imong ipauswag og tarung ang Pilipinas.

Pirti pa nimog panghambog nga kaya nimo ang mga Abu Sayyaf ug ISIS. Pagkahuman pa sa 5 ka bulan bago nimo sila matangtang sa Marawi, ug nahimo kini kay tungod gipasunog nimo ang siyudad!

Kana nga paagi nga imong gipili, dili katuohan kay kahibalo sab mi nga di nimo mahimo, kay sa pagkatinuod, may pagkatalawan ka man.

Di ba pirti nimo’ng hadloka sa mga babaye nga nakigbatok sa imoha? Di ba mikaripas ka og dagan palayo nilang Leila De Lima, Conchita Carpio-Morales, Sr. Patricia Fox, Risa Hontiveros ug Leni Robredo? Ug karon sa nahitabo sa West Philippine Sea, nabuking na ang imong pagkataslakan. Mas grabe pa kon ang imong kasukmat, ang mga tsino.

Pero, para nako, di siguro ka gusto maghikog mayor kay di man pud ka siguro musugot nga pulihan ka ni Vice President Leni [Robredo]. Kung mahitabo na, di lang ka mabulgar nga kiko sa mga Tsino, mogawas sab ang ubang baho sa imong administrasyon.

Busa, undang na sa imong hulga nga magpabitay ka Mayor.

Balikan na lang nato ang imong gibuhat nianing mga mananagat. Di pa tingali atrasado Mayor nga usbon nimo ang imong pagsud-ong sa ilaha. Siyagiti lang na si Locsin, nga talawan, ug Panelo, nga may pagkaanguangohon na, nga ihunong na na’ng ila’ng panginsulto sa ilahang mga paisano kay Pilipino pud baya na sila.

Hangyo lang namo ni Mayor.

Pero kung mikambyo na gyud ka gikan sa pagka-Pinoy ngadto sa pagka-Tsino, wala na ta’y mabuhat niani. Maglumbay-lumbay na lang siguro ang tanan sa pagbago sa ilang pasaporte para madawat ta nga bagong probinsya sa Tsina.

Mag-una na niana si Locsin ug si Panelo. – Rappler.com

Dako kaayo ang pagkugang ni Patricio N. Abinales sa nahitabo sa mga mananagat sa West Philippine Sea