Wala namakak si kanhi VP Robredo nga una siya sa ground zero sa linog

Ang Hulyo 28 nga video sa YouTube nagtuis sa mga pulong ni Robredo sa iyang post sa social media bahin sa “close contact” niya sa ilang mga volunteers sa probinsya.

Ang YouTube channel nga WHISTLE-BLOWER PH namakak niadtong Hulyo 28 nga si kanhi bise presidente Maria Leonor “Leni” Robredo namakak nga siya ang una sa ground zero human sa linog sa Abra.

Ang Hulyo 28 nga YouTube video nagtuis sa mga pulong ni Robredo sa iyang post sa social media bahin sa “close contact” sa mga volunteers sa probinsya.

Ang maong bakak nga vlog giuluhan og “LAGOT NA!LENI,BISTADONG NASA IBANG BANSA MATAPOS SABIHING NASA GROUND NA SIYA SA KASAGSAGAN NGLINDOL (sic).”

“Sakpan si ex-Vice President Leni Robredo sa mga ‘inila’ nga political vloggers human kini nangangkong nga close contact siya sa mga volunteers sa niigo nga linog gahapon,” matod sa video nga gihubad sa Bisaya.

Namakak ang video nga nakigalayon o naka-close contact na siya sa mga volunteers sa probinsya human sa pagtay-og sa magnitude 7 nga linog didto sa Abra niadtong Hulyo 27, bisan tua siya sa Turkey niadtong mga tungura.

Ang video nagpakita sa mga litrato gikan sa Instagram ni Robredo nga naa siya sa Cappadocia, Turkey, uban sa iyang tulo ka anak nga babaye, usa ka adlaw sa wala pa ang linog.

Ang post ni Robredo sa social media nagingong: “Pag-ampo alang sa kaluwasan sa tanan, ilabi na sa atong mga kababayan sa amihanan nga labing naapektuhan sa linog. Naka-close contact na kita sa ang atong mga volunteer groups didto.”

Bisan pa niini, maahimo gihapon nga maka-close contact si Robredo sa mga volunteer sa dapit pinaagi sa mga communication applications.

Misleading o makapasalaag sa mga tawo ang uluhan sa maong video nga nangangkong nga namakak si Robredo nga nakaadto siya sa ground zero bisan wala gayud.

Giakusahan usab siya niini sa pagpangilad, bisan wa’y basehan, sa iyang gikatahong pagkontak sa mga volunteer groups.

Sa pagsulat niini, ang sayop nga video nakakuha na og 150,820 views. – Adrian Parungao (Gihubad ni Ryan Christopher J. Sorote sa Bisaya)

PressOne.PH is part of #FactsFirstPH which brings together various sectors that are committed to promoting truth in the public space, and exacting accountability on those who harm it with lies. For those interested to join the initiative, email info@factsfirst.ph

PressOne.PH has adopted Facebook’s ratings options for third-party fact checkers and is working toward accreditation with the International Fact-Checking Network (IFCN).

See our fact-checking policy here.

This piece is republished with permission from Press One.