The first minutes of a Duterte Cabinet meeting

Patricio Abinales found this unedited transcript of an audio-report in a garbage bin along Arluegi Street. Given that President Duterte refused to talk to the media until the end of his term, Filipinos are made to suffer through the dull speculations of ill-informed pundits. So in the interest of public transparency, he is reproducing the first excerpts from this report of pure fiction.

 ***

Hello, mga Kabayan, this is a special secret Bombo Radyo report from inside Malacañang Palace. Our journalists Romeo Apiag and Eddie Kagid managed to avoid President Rodrigo Duterte’s cordon sanitaire. So we are in. Exclusive ito!

Hello Romeo, Romeo…are your there, over?

Uy…halo, Kabayan, ug halo sab sa inyo mga higala! 

Ania kami ni Eddie Kagid karon sa sulod sa Roxas Cabinet Room, gahuwat sa pagsugod sa unang kabinet meeting ni Presidente Digong dinhi sa Malacañang Palace. 

Unpoortunately, wa ni kasugod dayon kay natrapik kuno si Presidente; di makagawas iyang convoy sa NAIA! 

Nasuwertehan mi ni Eddie Kagid kay gihatagan mi ug media pass sa akong amigong si Badong Panelo – nga bag-ong topi pa mga higala! Haom kaayo sa iyang pameste. Kining press pass bayad ni Panelo sa iyang pagkapildi sa among pinusta-ay bahin sa mga Ampatuan. Miingon siya nga mapagawas kuno niya ang tibuok pamilya sa priso sa dili pa mahuman ang tuig. Ingon ko sa panahon lang ni Mampor kana mahitabo! “Wanna bet?” ang tubag ni Badong. 

Sugot ko, pero giingnan nako siya nga di ko mangayo ug kuwarta. “Bay, mosikat man gyud ka niani Ampatuan masaker kay abogado gud ka sa mga killers. Kung mapildi ka ugma damlag na ko mangayo nimo ug bayad.” Kining media pass mao silbing bayad.

Pero, hapit mi wa makasuod mga higala, kay namatikdan ko ni Pete Lavina. Mitutok siya ug dugay sa ako-a pero kaluoy sa Dios wa niya ko ma-ilhi. Mga pipila ka dekada na gud ming wa magkita, busa wa na siya makaila sa ako-a. Upaw na man ta gud, ug kining akong beer belly layo sa akong lawas kaniadto, atong sexy pa ko ug gikahadlokan sa mga kababay-an. 

Dali ra gihapon ma-ilhan si Pete: kay kanang iyang pagka-baby face wa gyud mausab.

Uy…miabot na si Presidente Digong, mga higala! Pero morag gisapot ang nawong; basig siguro ni sa trapik. 

“Bilat s’yang ina, katrapik ba dinhi sa imperial Manila,” miingon siya. “Kinsa man tong trapik polis nga nagpapababag sa dalan ug dakong trak? Unsa man, nasuholan ba sa tag-iya sa traking serbis! Basig korapso to kaayo! Ipapusil ko nang pesteng yawa-a na!” 

Mihunghong si Bong Go sa Presidente ug nawala ug gamay ang kalagot ni Digong. “Pastilan, taga-Dabaw diay tong bata-a. O sige ayaw na lang ug ipapusil. Ibalhin na lang sa didto sa Agusan para magkasinati siya sa mga walay sapatos didto. Pa-um-umon na ug bala ni Ka Oris.”

“Na hala, magsugod na ta!” Moabri na unta si Attorney Salvador Medialdea sa iyang notebook para ilansuyo ang agenda, pero nasakgaw siya ni Pastor Apollo Quiboloy.

“Brother Presidente Digong, di ba ta manginahanglan mag-ampo kang Papa God sa dili pa magsugod ang miting? Basig masuko to ug matunglo ta.”

Mo-tando na unta si Presidente, pero sa dili pa makasugod si Pastor Q. sa iyang pangadyi, miingon sila si Ka Judy Taguiwalo ug Ka Paeng Mariano. “Taym sa Presidente Digong. Di mi maka-ayon sa gi-sugyot ni Pastor Q. Di mi motuo sa iyang Papa God kay komunista mi! Ang among Dios si Mao Tse Tung, ug ang among Pastor si Joema.” 

Natingala si Digong: “Ha? Inyong Dios katong Insik? Ug sa inyong tan-aw mas balaan pa tong akong kanhing propesor sa Lyceum kang Pastor Q?” Miyango si Ka Judy ug Ka Paeng. 

Motugot sab unta si Presidente Digong sa hangyo sa mga komunista, pero sa wala pa siya makatando misinggit ug kalit si Datu Abdul Khary Alonto gikan sa tumoy sa kuwarto.

“Mister Sultan Presidente Digong, kinahanglan i-apil sab si Allah sa atong pangadyi. Ingon ka nga aduna sab kay dugo nga Moro busa bitaw misyagit ka ug ‘Alla Akbar’ sa Luneta. Di mi mosugot kung si Pastor Q. lang ang mang-ulo sa pangadyi. Kinahanglan adunay imam sab.”

Dayon mi-salmot si Sonny Dominguez ug miingon siya sa iyang kanhing silingan, “‘Migo, I know you do not believe in the bishops, but I also cannot sit here and not assert the right of us Catholics to say our prayers! I am a loyal son of the Ateneo!

“Bai, di mi mosugot nga si Pastor Q. ug si  Datu Abdul lang ang adunay kahitungod nga mangulo sa pag-ampo. Ug nganong kinahanglan ani-a kining mga komunista dinhi nga di man na sila motuo sa Ginoo?”

Wa na ka-abri sa iyang ba-ba si Presidente Digong kay ga-syagitay na ang tanan. 

“Peke kanang mga obispo,” ingon ni Pastor Q., “ako lang ang makapahinabi sa Ginoo, kay ako ang ‘Appointed Son of God’!” Mitubag si Alonto, “Hoy, ingon sa Koran, there is no God but Allah and Mohammad is his prophet! Dili ikaw Quiboloy! Ug – Inshallah – mas guapo pa si Mohammad sa imo! ” Mi-apil sab si Sonny: “You two are fools! Ayaw intawon mo ug pagpasipala! Si Jesus Christ ang bugtong sinugo ni God the Father ug Mama Mary, ug ang mga obispo ang iyang mga sulugoon!”

Mi-deklara si Ka Judy ug Ka Paeng nga “dili mi mo-apil nianing away sa mga factions ng naghaharing-uri! Boycott kami!!” Mitindog sila ug nag-walk out. 

Sa pag-agi nila sa amo-ang duha ni Eddie Kagid, nakadungog mi sa hunghung ni Ka Joel Maglungsod sa iyang kaubanan: “Comrades, ingon lagi ko nga mag-armed struggle na lang ta! Makabuang ning parliamentary struggle, uy. Ngano man intawong gi-assign ta ni Lolo Joema dinhi?” Milabtik si Ka Judy kang Ka Joel: “Hilom na lang dinha comrade. Utos ng Utrecht. Democratic centralism kini.”

Wa na gyud sa kaantos si Presidente Digong ug misyagit: “Hoy, mga balhug mong tanan, ikaduhang cabinet meeting pa lang, di na mo magkasinabot! Unsa man, mosupak mo nako, kamong mga tamba-luslus? Ga-yasmi lang nang inyong mga nawong!

“Asa man si General Dela Rosa? Tawga kay ipapusil ni nako silang tanan! Misakit ning akong ulo ug samot sa inyoha! Putang ina…”

Mihilom ang tanan ug kalit, nangahadlok nga basig ipadayon ni Presidente iyang hulga nga ipa-ihaw silang tanan.

Miagi ang pipila ka minuto nga kahilom. Dayon misulti si Presidente: “Ug ngano mang nia ta dinhi sa kuwarto sa amahan sa Bayot mag-pulong-pulong dawbe? Unsa man, gipakaulawan ko ninyo?”

Gibakwit ug ahat ni Bong Go ang badlis nga ga-ingon “Roxas Cabinet room” sa bungbong sa entrada sa hawaan “Sir, unsa may atong ipuli? Si Lapu-Lapu?”

Mohilum na lang sab mi ug kadiyot mga higala, kay basig madungag mi sa hit list ni General De la Rosa…

Dis is Romeo Apiag, live from Malacanang, ober and awt! – Rappler.com