Ang sabi-sabi: Tinawag na Manila International Airport (MIA) ang Ninoy Aquino International Airport (NAIA) sa isang ulat ng Balita.net tungkol sa pagtalaga kay Jose Arturo Tugade bilang general manager at chief executive officer ng Manila International Airport Authority (MIAA).

Marka: HINDI TOTOO

Bakit kailangang i-fact-check: Ang YouTube post na naglalaman ng sabi-sabi ay mayroong 2,400 na likes, 282 na mga komento, at 33,721 views.

Ang katotohanan: Ang tinutukoy ng ulat ng Balita.net noong Oktubre 26, 2022, ay ang Manila International Airport Authority (MIAA) at hindi Manila International Airport (MIA). Makikita sa unang pangungusap ng nasabing ulat na inilagay ng Balita.net ang kahulugan ng MIAA.

Ano ang pagkakaiba? Nakalagay sa website ng MIAA na sila ang namamahala sa pasilidad ng Ninoy Aquino International Airport (NAIA). Ang MIAA naman ay nilikha sa bisa ng Executive Order No. 778 na nilagdaan noong Marso 4, 1982.

Ipinaliwanag sa website ng MIAA na tanging ang pangalan lamang ng MIA ang binago at ginawang NAIA ng Republic Act No. 6639. Hindi binago ng nasabing batas ang orihinal na charter ng MIAA kaya nanatili ang orihinal na corporate name nito. – Lorenz Pasion/Rappler.com

Keep us aware of suspicious Facebook pages, groups, accounts, websites, articles, or photos in your network by contacting us at factcheck@rappler.com. You may also report dubious claims to #FactsFirstPH tipline by messaging Rappler on Facebook or Newsbreak via Twitter direct message. You may also report through our Viber fact check chatbot. Let us battle disinformation one Fact Check at a time.