MANILA, Philippines – Kung inaaakala ninyo na tapos na ang usapin ng confidential funds, nagkakamali kayo dahil umabot na ang isyung ito sa Supreme Court (SC).

Nitong Martes, November 7, nagtungo sa SC ang ilang abogado, kabilang si dating finance undersecretary Cielo Magno, para hingin sa Korte Suprema na utusan si Vice President Sara Duterte na ibalik ang P125-milyon niyang confidential funds noong 2022.

Kinukuwestiyon ng mga abogado at mga eksperto kung legal ba ang naging paglipat ng pera mula sa Office of the President patungo sa opisina ni Duterte dahil hindi naman talaga kasama sa national budget ang nasabing confidential funds.

Kung papanigan ng SC ang mga petitioners, ano’ng mangyayari kay Duterte? Sa mga confidential funds?

Panoorin ang paliwanag ni Rappler justice reporter Jairo Bolledo. – Rappler.com