Magaboto ang mga Pilipino sang ila bag-o nga presidente kag iban pa nga opisyal sa gobyerno sa Mayo 9, 2022.

Subong pa lang, dapat kabalo sila kon ano nga mga gahum ang ila ginahatag kag ano nga mga responsibilidad kag klase sang serbisyo ang ila pagalauman – o dapat pangayuon – sa ila mga opisyal nga mapilian.

Sa 2022, mapili kita sang bag-o nga presidente, bag-o nga bise presidente, 12 ka mga senador, ginatos ka mga district congressmen kag congresswomen, mga party list nga may tagsa ka congressional representatives, kag linibo nga opisyal sa mga probinsya, syudad, kag banwa. 

Kon mapilian kag makasumpa sa posisyon, may ara sila gahum nga pwede gamiton, mga talaksan nga dapat sundon, kag mga katungdanan nga dapat tumanon, base sa 1987 Philippine Constitution, sa Administrative Code, kag sa Local Government Code of 1991. 

Importante ang pagpili sang mga magadumala sa aton sa masunod nga tatlo asta anom ka tuig sugod Hunyo 30, 2022. Para mabuligan kamo sa pagpili, basahon ang serye sang mga report sang Rappler nga nagasaysay sang mga kwalipikasyon, gahum, kag katungdanan sang mga nagapapili para sa mga posisyon sa gobyerno: 

• Mga Gahum kag Katungdanan: Presidente kag Bise Presidente sang Republika sang Filipinas
• Mga Gahum kag Katungdanan: Senador sang Filipinas
• Mga Gahum kag Katungdanan: Representate sang Distrito, Representante sang Party List sa Filipinas
• Mga Gahum kag Katungdanan: Gobernador, Bise Gobernador, Katapu sang Sangguniang Panlalawigan sa Filipinas
• Mga Gahum kag Katungdanan: Mayor, Bise Mayor, kag Konsehal sang Siyudad sa Filipinas
• Mga Gahum kag Katungdanan: Mayor, Bise Mayor, kag Konsehal sang Munisipyo sa Filipinas

– Rappler.com

Gin-translate ini ni Daryl Lasafin kag Joseph Marzan gikan sa orihinal nga English version.