Marcos Imbento, Bistado: Convicted na magnanakaw kahit hindi nakakulong

MANILA, Philippines – Paulit-ulit na lamang nating naririnig na hindi naman daw napatunayang magnanakaw ang pamilya ng tumatakbo sa pagkapresidente na si Ferdinand “Bongbong” Marcos Jr. 

Katunayan, sabi ng kanilang mga tagasuporta, wala pa ngang nakukulong na Marcos.

Isa itong napakalaking kasinungalingan.

Panoorin ang Tiktok explainer nina Rappler multimedia reporter Rambo Talabong at researcher-writer Jodesz Gavilan kung saan tinalakay niya ang ilang mga patunay na nagnakaw ang pamilyang Marcos, at kung bakit hindi nakukulong ang sinoman sa kanila sa kabila nito.

@rambotalabong Bakit malaya ang mga Marcos kahit nagnakaw sila? #marcosfamily #corruptionph #newsph #bbm #rappler #newsexplained ♬ original sound – Rambo Talabong

Bilyon-bilyon na rin ang nabawing nakaw na yaman ng mga Marcos. Pangalawa, mismong Korte Suprema na ang nagsabing ang nakaw na yaman ng mga Marcos ang nakalagay sa mga Swiss foundation.

Bakit nga ba hindi sila nakukulong hanggang ngayon? Ang napagdedesisyonan pa lamang ay ang kasong civil, at hindi kriminal. Noong panahong nagnakaw sila, wala pang batas laban sa pandarambong ng higit P50 milyon, kaya ipinasasauli na lang ang ninakaw nila.

Si Imelda Marcos, ang asawa ng diktator, ay hinatulan ng Sandigabayan noong 2018 na “guilty beyond reasonable doubt” sa pangunguwarta noong siya ay opisyal ng gobyerno. Hindi siya nakulong bilang awa umano, dahil matanda na siya – kahit na napakaraming kasing-edad niya ang nasa piitan dahil sa mas magagaan na kaso.

Basahin ang ilan pang Rappler articles tungkol sa nakaw na yaman ng mga Marcos at mga ginawa ng gobyerno para mabawi ang mga ito:

• BREAKDOWN: P174B recovered from Marcos loot, P125B more to get
• Kung talagang nagnakaw ang mga Marcos, bakit wala pa ring nakukulong sa kanila?
• Kung tinuod gyud nga nangawat ang mga Marcos, nganong wala pa gihapoy napriso sa ila?
• Kun tuod gud man nga nangawat an mga Marcos, kay ano nga waray pa may napipriso ha ira?
• The value of Marcos jewels according to the Philippine government
• Marcos Jr. tinatakbuhan ang $353 milyong multa sa korte sa US
• Anti-graft court orders turnover to PH gov’t of P1B Marcos loot

Ang Marcos Imbento, Bistado ay isang Rappler series kung saan titibagin ang mga kasinungalingan at kathang isip na bumabalot sa pamilyang Marcos at sa Martial Law. – Rappler.com

Basahin ang iba pang Marcos Imbento, Bistado:

• Hindi proyekto ni Marcos Jr. ang Bangui windmills
• Walang Tallano Gold – wala, wala, wala!